ჩრდილოეთ კორეის საგარეო საქმეთა მინისტრმა გაეროს გენერალურ ასაბლეაზე დონალდ ტრამპის სიტყვით გამოსვლა და ფხენიანის მისამართით გაკეთებული განცხადებები ძაღლის ყეფას შეადარა. კომენტარი თეთრი სახლის ლიდერის გამოსვლაზე ლი იონ ჰომ ჟურნალისტებთან შეხვედრისას გააკეთა.
ფხენიანის მკაცრი რეაქცია გაეროს გენერალურ ასაბლეაზე დონალდ ტრამპის გამოსვლას მოჰყვა. თეთრი სახლის ლიდერმა ჩრდილოეთ კორეის ლიდერი თვითმკვლელი მისიის მქონე „რაკეტის კაცად“ მოიხსენია და განაცხადა, რომ თუ შეერთებულ შტატებს აიძულებენ საკუთარი თავი ან მოკავშირეები დაიცვას, მას ჩრდილოეთ კორეის სრულად განადგურების გარდა სხვა არჩევანი არ ექნება.