კატალონიის ჟენერალიტეტის პრეზიდენტი ესპანეთის ხელისუფლებას აგრესიაში სდებს ბრალს. „საკუთარი ქმედებებით მადრიდი კატალონიის ავტონომიას დეფაქტოდ აჩერებს,“-აცხადებს კარლეს პუჩდემონი, რომელმაც რეგიონში განვითარებული მოვლენების გამო მთავრობის საგანგებო სხდომა მოიწვია. ეს მას შემდეგ მოხდა, რაც პოლიციამ კატალონიაში დამოუკიდებლობის რეფერენდუმის ორგანიზატორთა დაკავება დაიწყო. ესპანეთის შემადგენლობიდან გამოყოფის შესახებ პლებისციტის ჩატარება კატალონიაში 1 ოქტომბერს იგეგმება. ოფიციალური მადრიდი კი აცხადებს, რომ ქვეყნის ტერიტორიული მთლიანობის ხელყოფას არ დაუშვებს.