პრეზიდენტი ტრამპი ხშირად იყენებს მკაცრ ლექსიკას, ახლაც ასე იყო, რასაც მე მივესალმები, ეს საერთაშორისო საზოგადოების ერთიანობაა, - ასე შეაფასა ნატო-ს გენერალურმა მდივანმა იენს სტოლტენბერგმა აშშ-ის პრეზიდენტის დონალდ ტრამპის განცხადება, რომელშიც ტრამპი ჩრდილოეთ კორეას განადგურებით დაემუქრა.
სტოლტენბერგის თქმით, თანხმდებიან, რომ ჩრდილოეთ კორეამ უარი უნდა თქვას სარაკეტო კომპლექსების, ბირთვული იარაღის განვითარებასა და ტესტირებებზე.
"არ არსებობს იოლი გამოსავალი. უნდა მოვნახოთ შუალედი არაფრის კეთებასა და სამხედრო გზას შორის და ეს დიპლომატიური და პოლიტიკური ძალისხმევაა, ძლიერ ეკონომიკურ სანქციებთან ერთად“, - განაცხადა სტოლტენბერგმა, რომელმაც ჩრდილოეთ კორეიდან მომავალ საფრთხეს გლობალური უწოდა.