თბილისში, გლდანის ერთ-ერთ საცხოვრებელ კორპუსში ორი ადამიანის ცხედარი იპოვეს.
არსებული ინფორმაციით, გარდაცვლილები და-ძმა არიან. ისინი დაახლოებით 60 და 70 წლის ასაკის იყვნენ.
საქართველოს შინაგან საქმეთა სამინისტროს ინფორმაციით, პირველადი დათვალიერებით, გარდაცვლილებს ძალადობის კვალი არ აღენიშნებათ, თუმცა გარდაცვალების ზუსტი მიზეზი ექსპერტიზის შემდეგ გახდება ცნობილი.