თარიღი    დრო

ქვეყანაში პრეზიდენტების დევნა უნდა დასრულდეს - ე.წ პიჯაკების საქმეზე ბრალდებული

საქართველო, თბილისი - 14:00 09.19.2017 586

დღეს, თბილისის საქალაქო სასამართლოში ე.წ პიჯაკების საქმის განხილვა მიმდინარეობდა. აღნიშნულ საქმეზე ბრალი ყოფილ პრეზიდენტ მიხეილ სააკაშვილსა და სახელმწიფო დაცვის სპეციალური სამსახურის ყოფილ უფროსს, თეიმურაზ ჯანაშიას აქვთ წაყენებული.

როგორც თეიმურაზ ჯანაშიამ განაცხადა, ქვეყანაში პრეზიდენტების დევნა უნდა დასრულდეს.

„სიტუაცია ასეთია - ბრმას ცოლი მოუკვდა და უმალავდნენო. რაღას მალავენ, ვერ ვიგებ. ამ განკარგულებას გრიფითი ადევს, ვიცით, რომ მილიონი დაიხარჯა, ვიცით, რომ 5 განკარგულება იყო გაცემული. და მეც ზუსტად ვიცი, რა  თანხა იყო გამოყოფილი, ვის რას უმალავენ ან საზოგადოებას რატომ აბნევენ, არ ვიცი. ეს სამარცხვინო იქნება ხელისუფლებითვისაც, ქვეყნისთვისაც და თითოეული თქვენგანისთვისაც. ერთი პრეზიდენტის, მეორე პრეზიდენტის დევნა ხომ უნდა მორჩეს, ნორმალურ ქვეყანაში ასე არ იქცევიან“, - განაცხადა ბრალდებულმა.

დღევანდელ პროცესზე დაცვის მხარემ საქმეში მტკიცებულებების სახით იმ დოკუმენტის დართვა მოითხოვა, რომელიც ადასტურებს, რომ ფარული ხარჯები სახელმწიფო დაცვის სპეციალური სამსახურის მიერ, ანზორ ჩუბინიძის ხელმძღვანელობის პერიოდშიც გაიწეოდა.

ადვოკატმა ბექა ბასილაიამ პრეზიდენტის ადმინისტრაციიდან წერილობით მიიღო დოკუმენტი, რომლის მიხედვითაც, 2013 წლის 25 თებერვლიდან 17 ნოემბრამდე სახელმწიფო დაცვის სპეციალური სამსახურის მიერ განხორციელებული ღონისძიებების დაფინასების შესახებ გრიფით „საიდუმლოდ“ გაცემულია საქართველოს პრეზიდენტის 5 განკარგულება. ხოლო მას შემდეგ, დღემდე ანალოგიური შინაარსის განკარგულება არ გაცემულა.

ადვოკატ ბექა ბასილაიას განცხადებით, რაც უნდა წერილობითი მტკიცბულებების გამოკვლევა მოხდეს, რომელიც საქმეშია ჩადებული იმ გარემოებას ვერ ცვლის რომ პრეზიდენტის განკარგულება სახელმწიფო დაცვის სპეციალური სამსახურის მიერ სავალდებულო შესასრულებელია.

„დღეს წარვადგინეთ პრეზიდენტის ადმინისტრაციიდან წერილი, რომელიც ადასტურებს , რომ მას შემდეგ რაც ბიძინა ივანიშვილი იყო ქვეყნის პრემიერმინისტრი და რაც სახელმწიფო დაცვის სპეციალურ სამსახურს ანზორ ჩუბინიძე ხელმძღვანელობდა, ანალოგიური განკარგულებებია გაცემული, რასაც თეიმურაზ ჯანაშაის ედავებიან. მსგავსი განკარგულებები კვლავ გაიცემოდა და კვლავ სრულდებოდა. ეს ნიშნავს ერთადერთ რამეს, რომ ამ საქმეს სამართლევბრივი შემადგენლობა არ გააჩნია. რაც უნდა წერილობითი მტკიცებულებების გამოკვლევა მოხდეს, რომელიც საქმეშია ჩადებული, იმ გარემოებას ვერ ცვლის რომ პრეზიდენტის განკარგულება სახელმწიფო დაცვის სპეციალური სამსახურის მიერ სავალდებულო შესასრულებელია. ეს ასეა ნებისმიერი მთავრობის პირობებში“, - განაცხადა პროცესის დასრულების შემდეგ ადვოკატმა ბექა ბასილაიამ.

ცნობისთვის, დღეს ე.წ პიჯაკების საქმეზე სასამართლოზე ბრალდების მხარის მტკიცებულებების გამოკვლევა მიმდინარეობდა.




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13.1%
არ შეცვლილა 3%