[გაერო-ში] ჩვენ საკმაოდ მკაცრად ვისაუბრებთ რუსეთის ქმედებებზე, - ამის შესახებ საქართველოს პრემიერ-მინისტრის მრჩეველმა თედო კობახიძემ ნიუ-იორკში ჟურნალისტებს განუცხადა.
მისი თქმით, რუსულ დელეგაციასთან კომუნიკაცია არ იგეგმება, მაგრამ იმ გამოსვლებსა და შეხვედრებში, რომლებიც ექნება საქართველოს პრემიერს და არა მხოლოდ მას, რუსეთის ქმედებებზე იქნება საუბარი.
"ამ ტრიბუნას იყენებს არა მთავრობა ან ოპოზიცია, ამ ტრიბუნას გამოიყენებს ჩვენი ქვეყანა, საქართველოს სახელმწიფო. ჩვენ ბევრი რამ გვაქვს სათქმელი პოზიტიურიც, პრობლემებიც, ეს არის კონფლიქტები, ტერიტორიული მთლიანობა, ურთიერთობა რუსეთთან. სიტყვა, რომლითაც ბატონი პრემიერი გამოვა გაერო-ს მაღალი ტრიბუნიდან, სწორედ ამ თემებს შეეხება. ამ ყველაფერზე საუბარი წაადგება ჩვენი სახელმწიფოს ინტერესებს. მე არ გამოვყოფ არც ხელისუფლებას, არც ოპოზიციას, ეს წაადგება მთლიანად ჩვენს ქვეყანას", - განაცხადა თედო ჯაფარიძემ.