პოლონური ავიაკომპანია LOT-ი 18-19 სექტემბერს ფასდაკლების აქციას აცხადებს. მომხმარებლებს დღეს და ხვალ ევროპის, აზიისა და ჩრდილოეთ ამერიკის მიმართულებით ავიაბილეთების შეძენა შეღავათიან ფასად შეუძლიათ.
„შეიძინეთ ბილეთები მომხიბლავ ფასად და მიიღეთ სარგებელი საუკეთესო შემოთავაზებით. მოგზაურობა ევროპაში 199 პოლონური ზლოტიდან (PLN) ,აზიაში 799 პოლონური ზლოტიდან (PLN) და ჩრდილოეთ ამერიკაში 1799 პოლონური ზლოტიდან (PLN)“, ნათქვამია - LOT-ის განცხადებაში. აღსანიშნავია, რომ ავიაკომპანიის ფასდაკლების აქციაში საქართველოც შედის და ვარშავა-თბილისის მიმართულებით ფრენის ღირებულება 499 პოლონური ზლოტიდან (130 დოლარი) არის შესაძლებელი.
ცნობისთვის, ფასდაკლებით შეძენილი ბილეთებით ფრენა ევროპასა და აზიაში 2017 წლის 1-ელი ნოემბრიდან 2018 წლის 31 მაისამდე უნდა განხორციელდეს, ჩრდილოეთ ამერიკაში კი 2017 წლის 1-ელი ნოემბრიდან 2017 წლის 12 დეკემბრამდე და 2018 წლის 17 იანვრიდან 31 მაისამდე პერიოდში.
