უკრაინის ინფრასტრუქტურის მინისტრი ვლადიმირ ომელიანი კიდევ ერთხელ გამოთქვამს იმედს, რომ Ryanair უკრაინაში შევა.
ომელიანი დარწმუნებულია, რომ ირლანდიური „ლოუკოსტერი“ Ryanair უკრაინაში ოპერირებას 2018 წლის შემოდგომამდე დაიწყებს.
"ამ დროისათვის Ryanair-თან ბორისპოლის აეროპორტს ინტენსიური მოლაპარაკებები აქვს. ვიმედოვნებ, რომ მოლაპარაკებების მეორე მცდელობა წარმატებით დასრულდება და Ryanair-ი ჩვენთან 2018 წლის არაუგვიანეს შემოდგომისა გამოჩნდება“, განაცხადა ომელიანმა.
მიუხედავად განვითარებული მოვლენებისა ვლადიმირ ომელიანი ყოველთვის დარწმუნებული იყო, რომ Ryanair-ი უკრაინის ბაზარზე შევიდოდა. მართალია მინისტრი თარიღად 2017 წლის ბოლოს ასახელებდა, თუმცა ის დარწმუნებულია, რომ შედეგი ერთი წლის დაგვიანებით, თუმც აუცილებლად დადგება.
როგორც ცნობილია 2018 წლის ბოლომდე უკრაინაში easyJet-სა და Eurowings-ის შესვლაც იგეგმება.
.