ბიზნეს-საკონსულტაციო კომპანია „EXPERTO“-მ, რომელმაც საქართველოს ბაზარზე შესვლისთვის საჭირო სერვისების განხორციელება პირველმა დაიწყო - დღეს განაცხადა, რომ გარი კოები კომპანიის უფროსი მმართველი პარტნიორი გახდა. „EXPERTO“ არის პროფესიონალური სერვისების საკონსულტაციო კომპანია, რომელიც დაფუძნებულია საქართველოში და გააჩნია საერთაშორისო პარტნიორების ქსელი დსთ-ში, ახლო აღმოსავლეთსა და ევრაზიში. იგი ორიენტირებულია ბიზნესისა და ვაჭრობის ხელშეწყობაზე.
„გარის მრავალწლიანი სამუშაო ურთიერთობები აქვს როგორც საქართველოში, ასევე დსთ-ს ქვეყნებში, ახლო აღმოსავლეთსა და ევრაზიაში. მისი თანამონაწილეობა ექსპერტოს სააქციო კაპიტალში არის მნიშვნელოვანი ნდობის ვოტუმი ჩვენს საბაზრო სტრატეგიაში. ეს საგრძნობლად დაგვეხმარება გავაფართოვოთ მმართველი გუნდის შესაძლებლობები იმისთვის, რომ მოვიზიდოთ ახალი კლიენტები, ავიღოთ ახალი საკონსულტაციო დავალებები და მოვახდინოთ იმ სექტორების დივერსიფიცირება რომელშიც დღეს კომპანია ოპერირებს.“ განაცხადა ლუდოვიკ ჟირომ, რომელიც „EXPERTO“-ს დამფუძნებელი და მმართველი დირექტორია.
გარის გამოცდილება საქართველოში მოიცავს 2 უდიდეს და ყველაზე დინამიურ სექტორს როგორიცაა ტელეკომი და საცალო საბანკო მომსახურებები. „EXPERTO“-ში გადმოსვლამდე გარი „თიბისი ბანკი“-ის, „თელიასონერა“-ს (ჯეოსელი) და „მაგთიკომი“-ის მარკეტინგის დირექტორის პოზიციაზე მუშაობდა. ამერიკის შეერთებულ შტატებში იგი ძალიან წარმატებული გაყიდვებისა და მარკეტინგის საკონსულტაციო კომპანიის მთავარი მამოძრავებელი ელემენტი იყო, რომელიც თანამშრომლობდა ისეთ ცნობილ ამერიკულ კომპანიებთან როგორებიცაა: Kodak, Intel, SAS, Sprint, Sun Microsystems, Oracle და მრავალი სხვა. გარი „საცალო საკომისიო შემოსავლის სტრატეგიების“ ავტორი და „შემოსავლების სტიმულირების“ თანაავტორია. ამერიკის შეერთებულ შტატებში ის ხშირად იყო ორატორი მარკეტინგსა და გაყიდვებთან დაკავშირებულ თებებზე გამართულ დისკუსიებში და მანვე შექმნა წარმატებული “მარკეტინგული რეგულაციების ლაბორატორია”. მსოფლიო მასშტაბით 15 000-ზე მეტი გაყიდვებისა და მარკეტინგის პროფესიონალმა კადრმა გაიარა სერტიფიცირება გაყიდვებისა და მარკეტინგის მეთოდოლოგიებში, რომელიც მისი თანაავტორობით შეიქმნა.