16 სექტემბერს, 14:00 საათზე, ტექნოპარკში, საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს მხარდაჭერით მსოფლიო მასშტაბის სტარტაპების კონკურსი Seedstars World ჩატარდება.
კონკურსი ,,ალიანს ჯგუფი ჰოლდინგის" (AGH) ორგანიზებით იმართება და მასში 10 საუკეთესო ქართული სტარტაპი მიიღებს მონაწილეობას. კონკურსანტები SeedStars World - ის რეგიონალურმა წარმომადგენლებმა შეარჩიეს. კონკურსის გამარჯვებული საკუთარ სტარტაპს შვეიცარიაში Seedstar სამიტზე წარადგენს, სადაც 1 მლნ აშშ დოლარის მოგების შანსი მიეცემა. SeedStars Tbilisi 2017-ის გამარჯვებული სტარტაპერი მოსამზადებელ პერიოდს უკრაინაში 2017 წლის დეკემბერში გაივლის, დასკვნითი ეტაპი კი შვეიცარიაში 2018 წლის 9-13 აპრილს გაიმართება.
