საქართველოს პრეზიდენტის ადმინისტრაციის უფროსმა პრეზიდენტის მრჩევლებთან ერთად ახალი სასწავლო წლის დაწყება გორის რაიონში, საოკუპაციო ხაზთან მდებარე სოფელ ბერშუეთის სკოლის მოსწავლეებსა და პედაგოგებს მიულოცა.
გიორგი აბაშიშვილმა ბერშუეთის საჯარო სკოლის მოსწავლეებს მიმართა და განაცხადა, რომ განათლება მთავარი იარაღია, რომლის მეშვეობითაც ოკუპაციის დასაძლევაა შესაძლებელი.
“დღეს ჩვენ აქ ვიმყოფებით საქართველოს პრეზიდენტის სახელით და სკოლის მოსწავლეებს მივულოცეთ სასწავლო წლის დაწყება და გადავეცით საჩუქრები.
მნიშვნელოვანია, როდესაც ვხედავთ ოკუპირებული ხაზიდან რამდენიმე მეტრში სკოლის მოსწავლეები როგორ შემართებას გვაჩვენებენ თითეულ ჩვენგანს, რომელიც მართლაც გმირობის მაგალითია; როგორ გვაჩვენებენ, რომ რეალურად ძალა განათლებაშია და სწორედ განათლებაა ის მთავარი იარაღი, რომელიც საქართველოს სჭირდება დეოკუპაციის გზაზე“, - განაცხადა გიორგი აბაშიშვილმა.
