დავით ოქიტაშვილმა პროფკავშირების თავმჯდომარის არჩევნებიდან საკუთარი კანდიდატურა მოხსნა. მანამდე ოქიტაშვილმა ყრილობის დელეგატებს სიტყვით მიმართა.
,,მე და ჩემმა მეგობრებმა რთული და ემოციურად დაძაბული სამკვირიანი ბრძოლა დავასრულეთ. ჩემი მცდელობა, შევხვედროდი ჩემ კოლეგა დელეგატებს, გავსაუბრებოდი მათ და ჩემი გეგმები გამეცნო, უშედეგოდ დამთავრდა. გარდა იმისა, რომ არ მოგვცეს დროულად ყრილობის შესაბამისი დოკუმენტაცია, არ მოგვცეს მშვიდ ვითარებაში წესდებაზე მუშაობის საშუალება, გადაგვიმალეს დელეგატთა სიები, დიახ, თქვენი სახელები და გვარები. უფრო მეტიც, საფუძვლად ამ უკანონობას თქვენი, დელეგატთა დაცვა, ჩემგან თქვენი სიცოცხლის დაცვა დაუდეს. ეს არ არის მარტო შეურაცხმყოფელი, ეს სერიოზული ბრალდება და დანაშაულია“, - განაცხადა ოქიტაშვილმა.