სარფის საბაჟო გამშვებ პუნქტზე არსებულ შეფერხებთნ დაკავშირებით, თურქეთის ელჩიმა ფინანსთა სამინისტროში განმარტებები გააკეთა. მოქალაქეები, რომლებიც თურქეთში გადასვლას ცდილობენ ამბობენ, რომ ბოლო 10 დღეა ნეიტრალური ზონიდან განმარტებების გარეშე უკან აბრუნებენ.
ზექი ლევენთ გუმრუქჩუს განცხადებით, შეფერხება აქტიურ სეზონს და მოქალაქეების რაოდენობის ზრდას უკავშირდება:
”ახლა აქტიური სეზონია და დიდია იმ ადამიანების რაოდენობა, რომლებიც საზღვარს კვეთენ. 30 ათასამდე ადამიანი გადადის საზღვარზე ყოველდღიურად, ამიტომ, სამწუხაროდ, გამტარუნარიანობა ყოველთვის შესაბამისი არ არის. გარდა ამისა, ახლა თურქეთის მხარეს სარემონტო სამუშაოები გვაქვს, რომელთა დასრულებასაც წლის ბოლომდე ვგეგმავთ. ამ კონკრეტულ მომენტში თურქულ მხარეს გამტარუნარიანობის პრობლემა აქვს. ახლა ორივე მხარე ვთანამშრომლობთ, რომ დავძლიოთ პრობლემები,” - აცხადებს ზექი ლევენთ გუმრუქჩუ.
