მოსკოვში წითელ მოედანზე აფეთქების საშიშროების შესახებ პოლიციაში ანონიმური ზარები შევიდა. ამის შესახებ რუსული მედია იტყობინება. სამართალდამცავი უწყებები ამ დროისათვის ინფორმაციას ამოწმებენ. მანამდე ძალოვან სტრუქტურებში ანონიმური შეტყობინებები შევიდა იაროსლავის ვაგზალსა და სახელმწიფო სოციალურ უნივერსიტეტში, ასევე, რამდენიმე მეტროს სადგურში ბომბების არსებობის შესახებ, რის გამოც მასობრივი ევაკუაცია განხორციელდა. ანონიმური ზარების გამო რუსეთის სხვადასხვა ქალაქებში უკვე სამი დღეა მოსახლეობის ევაკუაცია ხორციელდება. ცრუ განგაშის გამო რუსეთის 22 რეგიონში მასობრივი თავშეყრის ადგილები 45 ათასზე მეტ ადამიანს დაატოვებინეს.