თარიღი    დრო

აუდიტის სამსახური პარტიებისთვის ფულის შემწირველ ფიზიკურ პირებს იბარებს

საქართველო, თბილისი - 12:56 09.13.2017 93

სახელმწიფო აუდიტის სამსახური იმ 14 ფიზიკური პირის დაბარებას გეგმავს, რომლებმაც პოლიტიკურ პარტიებს შემოწირულობის სახით თანხა ჩაურიცხეს

მათი განცხადებით, არსებობს ეჭვი, რომ აღნიშნულ პირებს არ აქვთ იმის შესაბამისი შემოსავალი, რა რაოდენობის თანხაც სხვადასხვა პარტიებს შესწირეს.

აუდიტის სამსახურის უფროსის მოვალეობის შემსრულებელი ნინო ლომჯარია აღნიშნავს, რომ მათგან 6 პირი "ევროპული საქართველოს", ხოლო 8 "ქართული ოცნების" შემომწირველია.

"ჩვენ ვიბარებთ ამ პირებს, ვთხოვთ მათ რომ წარმოადგინონ შესაბამისი მტკიცებულებები, რაც დაადასტურებს მათი შემოსავლების ნამდვილობას. თუ ფიზიკურ პირებს არ დაუდასტურდათ შესაბამისი შემოსავალი, მაშინ შედგება დაჯარიმების ოქმი, რომელიც გაეგზავნება სასამართლოს და შემდეგ სასამართლო მიიღებს შესაბამის გადაწყვეტილებას. ეს პირები იმ თანხის ორმაგი ოდენობით დაჯარიმდებიან, რაც პარტიებს შესწირეს. შეწირული თანხა კი ბიუჯეტში გადაირიცხება", - განმარტავს ლომჯარია. 

შეგახსენებთ, სახელმწიფო აუდიტის სამსახურის ცნობით, 2017 წლის 1 ივლისიდან 12 სექტემბრის ჩათვლით, პარტიებმა შემოწირულობის სახით 7 726 993 ლარი მიიღეს. 

 




konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 81.6%
შემცირდა 15.3%
არ შეცვლილა 3.1%