თარიღი    დრო

ოთარ აბესაძეს შესაძლოა, ოპერაცია დასჭირდეს - ადვოკატი

საქართველო, თბილისი - 11:09 09.13.2017 4056

 „აბესაძის ჯანმრთელობის მდგომარეობასთან დაკავშირებით სამედიცინო ექსპერტიზა დაინიშნა“, - განუცხადა „ჯი-ეიჩ-ენ-ს“ ოთარ აბესაძის ადვოკატმა, ლილი გელაშვილმა.

მისივე თქმით, აბესაძეს შესაძლოა ოპერაცია დასჭირდეს.

„მის ექიმთანაც გვქონდა საუბარი და შესაძლოა ის საოპერაციო გახდეს. ციხის ადმინისტრაციამ მზადყოფნა გამოთქვა, რომ თუ  ექსპერტიზის დასკვნისა და ექიმების კონსილიუმით, ოპერაციის აუცილებლობა დადასტურდება, ხელს არ შეუშლიან.

აბესაძე ფსიქოლოგების ყურადღების ქვეშაც იმყოფება. მისი ფსიქიკური მდგომარეობა დამაკმაყოფილებელი ნამდვილად არ არის“, - აცხადებს გელაშვილი.

რაც შეეხება იმას, შესაძლოა თუ არა, აბესაძის ჯანმრთელობის მდგომარეობის გამო 19 სექტემბერს ჩანიშნული სასმართლო პროცესი გადაიდოს, ადვოკატს პასუხის გაცემა უჭირს.

„ამას წინასწარ ვერ გეტყვით. გასულ სხდომებზეც, პროცესის მიმდინარეობისას გახდა ცუდად და სწორედ ეს გახდა გადადების საფუძველი, თორემ ის ორივე სხდომაზე იყო გამოცხადებული.  თუკი, მანამდე სამედიცინო ექსპერტიზის დასკვნა იქნება, ეს რა თქმა უნდა, დაცვის მხარისთვის შეიძლება ახალი გარემოება გახდეს აღკვეთის ღონისძიების შეცვლის მოთხოვნასთან დაკავშირებით“, -განუცხადა „ჯი-ეიჩ-ენ-ს“ ლილი გელაშვილმა.

შეგახსენებთ, ოთარ აბესაძე მიმდინარე წლის 11 ივლისს, ქრთამის აღების ფაქტზე დააკავეს.




konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 81.6%
შემცირდა 15.3%
არ შეცვლილა 3.1%