განცხადებები, რაც კეთდება, თითქოს მიწა გაიყიდება უცხოელებზე, არის ძალიან დიდი სიცრუე და ტყუილი, - ამის შესახებ "ქართული ოცნების“ თბილისის მერობის კანდიდატმა კახა კალაძემ განაცხადა.
მისი თქმით, ეს არის მიზანმიმართული ცრუ კამპანია, რომელსაც გარკვეული ადამიანები ახორციელებენ.
„მიწის გასხვისებასთან დაკავშირებით მე მგონი ჩვენი პოზიცია ყველასათვის ნათელია. ამასთან დაკავშირებით მეც არაერთხელ გამიკეთებია განცხადება, პრემიერ-მინისტრსაც. დღესაც გააკეთა გიორგი კვირიკაშვილმა განცხადება ამასთან დაკავშირებით.
ის, რასაც ჩვენ ვისმენთ ბოლო დღეების განმავლობაში, ეს არის მიზანმიმართული ცრუ კამპანია, რომელსაც გარკვეული ადამიანები ახორციელებენ.
ის, რომ მიწა არ გაიყიდება უცხოელებზე, ეს არის ჩვენი გუნდის დამსახურება და ჩვენმა გუნდმა მიიღო ზუსტად ეს გადაწყვეტილება, რომ ჩაიწერა კონსტიტუციაში. განცხადებები, რაც კეთდება, თითქოს მიწა გაიყიდება უცხოელებზე, არის ძალიან დიდი სიცრუე და ტყუილი“ - განაცხადა კხა კალაძემ.
