"ქართველთა მარშის” ერთ-ერთი ორგანიზატორი, ლადო სადღობელაშვილი პოლიციამ თბილისის მერობის კანდიდატის, კახა კალაძის ცენტრალურ საარჩევნო შტაბთან დააკავა.
ამ წუთებში ადგილზე საპროტესტო აქცია მიმდინარეობს.
ცოტა ხნის წინ, აქციის მონაწილეებმა სამართალდამცველებს მაშხალები დაუშინეს.
აქციის წევრების განცხადებით, ისინი ხელისუფლებას მათი მოთხოვნების დასაკმაყოფილებლად ერთკვირიან ვადას აძლევენ, წინააღმდეგ შემთხვევაში რადიკალურ ზომებს მიმართავენ. ისინი უცხოელებზე მიწების გაყიდვას და სოროსის ფონდის საქმიანობის აკრძალვას ითხოვენ.