,,ევროპული საქართველოს“ წევრი გივი თარგამაძე ენმ-ის წევრ ნიკა მელიას განცხადებას ეხმიანება, რომლის თანახმადაც, დავით კეზერაშვილი ყაჩაღობით ნაშოვნი ფულით აფინანსებს ბიძინა ივანიშვილის მიერ შექმნილ „ევროპულ საქართველოს“. გივი თარგამაძე ნიკა მელიას უკრაინელი მძლეოსან, მსოფლიო რეკორდსმენს კოჭით ხტომაში, სერგეი ბუბკას ადარებს.
,,თუ მაინცადამაინც უკრაინული ანალოგია საჭირო, ნიკა მელიაზე მხოლოდ სერგეი ბუბკა მახსენდება. თუმცა, მგონი, არც ამ მუდმივ რეკორდსმენს აქვს ამდენი ნახტუნავები”, - წერს ,,ფეისბუქის“ საკუთარ გვერდზე გივი თარგამაძე.
ნიკა მელიამ ტელეკომპანია "პირველის" ეთერში განაცხადა, რომ დავით კეზერაშვილმა ყაჩაღობით, ქურდობით და ძარცვით იშოვა ფული და დღეს „ევროპულ საქართველოს“ აფინანსებს.