„შესაძლოა, კეზერაშვილი მათ აღარ აფინანსებთ და ამიტომაც სდებს „ნაციონალური მოძრაობა“ ნეონაციონალურ მოძრაობას ბრალს“, - ასე აფასებს „ქართული ოცნების“ ერთ-ერთი ლიდერი გიორგი ვოლსკი ენმ-ის წევრის, ნიკა მელიას გუშინდელ განცხადებას, რომ „დავით კეზერაშვილი ყაჩაღობით ნაშოვნი ფულით აფინანსებს ბიძინა ივანიშვილის მიერ შექმნილ „ევროპულ საქართველოს“.
როგორც ვოლსკიმ "ჯი-ეიჩ-ენს" განუცხადა, მსგავსი გამოსვლებით "ნაციონალური მოძრაობა" საზოგადოებისთვის თავის შეხსენებას ცდილობს:
„შეიძლება ვარაუდები გამოვთქვათ, თუ რას გულისხმობს „ნაციონალური მოძრაობა“, როცა ნეონაციონალურ მოძრაობას სდებს ბრალს. შესაძლოა კეზერაშვილი მათ აღარ აფინანსებთ, და ამიტომ, ნაწყენებმა ასეთი შეტევა გადაწყვიტეს. ეს მათი შიდა ურთიერთობის საკითხია“, - განაცხადა ვოლსკიმ.
პარლამენტის ვიცე სპიკერი მელიას იმ ბრალდებასაც ეხმაურება, რომ „ევროპული საქართველო“ ბიძინა ივანიშვილის მიერაა შექმნილი და აღნიშნავს, რომ „ნაციონალური მოძრაობას“ მუდმივად აქვს „ქართული ოცნებისთვის“ კბილის გაკვრის მცდელობა.
„თუ ნაცმოძრაობა და ნეონაცმოძრაობა ერთმანეთში კამათობს, ხელიდან შანსს არ გაუშვებენ , რომ „ქართულ ოცნებას“ შეეხეონ, ეს წინასაარჩევნო ბრძოლის ერთ-ერთი მეთოდია“, - დასძენს გიორგი ვოლსკი.