განათლებისა და მეცნიერების კომიტეტის თავმჯდომარის, მარიამ ჯაშის განცხადებით, საქართველოს ყოფილი პრეზიდენტი, მიხეილ სააკაშვილი არის წარსულის პოლიტიკოსი.
მისივე თქმით, უკრაინაში მიმდინარე მოვლენები არის უკრაინული მხარის პრეროგატივა და საქართველო უნდა დაელოდოს მოვლენების განვითარებას.
"მიხეილ სააკაშვილი არის საკმაოდ ნიჭიერი შოუმენი, რომელიც დადასტურდა რამდენიმე დღის წინ. ისევე როგორც ნებისმიერი შოუ, ის არის რეალობას მოწყვეტილი.დღეს მიმდინარე პროცესები არის უკრაინის საკანონმდებლო სივრცეში. სამწუხაროდ, სააკაშვილმა საკუთარი პოლიტიკური ფიგურა დახატა წარსულის პოლიტიკოსად. ის აღარ არის ქართული პოლიტიკისთვის აქტუალური“, - განაცხადა მარიამ ჯაშმა.