იუსიტიციის მინისტრ თეა წულუკიანის განცხადებით, სააკაშვილმა საქართველოს პროკურატურას 4 საქმეზე უნდა გასცეს პასუხი. მისი ინფორმაციით,
საქართველომ უკრაინის იუსტიციის სამინისტროსა და პროკურატურას ექსპრეზიდენტ მიხეილ სააკაშვილზე ყველა საჭირო დოკუმენტი მიაწოდა.
"ჩვენი მხრიდან ყველაფერი გაკეთებულია იმისთვის, რომ უკრაინის პროკურატურას და იუსტიციის სამინისტროს ჰქონდეს ყველა დოკუმენტი სააკაშვილის შესახებ. ველოდებით მათ გადაწყვეტილებას. თუ რამდენ დროს წაიღებს - ეს მათზეა დამოკიდებული. სააკაშვილი არის პოლიტიკური წარსული და ის, საქართველოს პროკურატურის გარდა აღარავის აინტერესებს, ის 4 საქმეზეა ბრალდებული და მან შეკითხვებს პასუხები უნდა გასცეს", - განაცხადა თეა წულუკიანმა.
უკრაინაში მიხეილ სააკაშვილის ქვეყანაში შესვლაზე სისხლის სამართლის საქმე აღიძრა. პოლიციის ცნობით, შეგინის სასაზღვრო-გამშვებ პუნქტზე მომხდარის გამო სისხლის სამართლის საქმე საზღვრის უკანონო გადაკვეთის ბრალდებით აღიძრა. ამ დანაშაულისთვის უკრაინის სისხლის სამართლის კოდექსი 5 წლამდე თავისუფლების აღკვეთას ითვალისწინებს.