"პოროშენკოს სააკაშვილის ეშინია", - ამის შესახებ ფრაქცია "ნაციონალური მოძრაობის" წევრმა, თინათინ ბოკუჩავამ განაცხადა.
მისი თქმით, მიხეილ სააკაშვილის მიერ უკრაინაში განხორციელებულ ქმედებებში არანაირი სამართლებრივი დარღვევა არ ყოფილა.
"პოროშენკოს სააკაშვილის ეშინია. მისი ასევე ეშინია მეორე ოლიგარქს, ბიძინა ივანიშვილს და სწორედ ამიტომ, მას პოლიტიკურად დევნის და შესაძლებლობას არ აძლევს, რომ საქართველოში შემოვიდეს და პოლიტიკური საქმიანობა აწარმოოს. როგორც უკრაინის დროებითმა მმართველმა პოროშენკომ, ასევე ივანიშვილმა უნდა გაიაზრონ, რომ სიმართლისთვის მებრძოლ ადამიანს ვერც სპეცრაზმის გამოყვანით და ვერც მესაზღვრეების მიგზავნით ვერ შეაჩერებ", - განაცხადა ბოკუჩავამ.