,,ევროპული საქართველოს" ერთ-ერთი ლიდერის, ირაკლი აბესაძის განცხადებით, ხელისუფლება წინასაარჩევნოდ ადმინისტრაციულ რესურსს იყენებს.
მისი თქმით, საქართველოს სხვადასხვა რეგიონში ,,ევროპული საქართველოს" წინასაარჩევნო სააგიტაციო მასალის, პლაკატების ჩამოხევისა და დაზიანების ფაქტები დაფიქსირდა.
"ბაღდადში, დასუფთავების სამსახურის უფროსმა თავის თანამშრომლებს უბრძანა ,,ევროპული საქართველოს" წინასაარჩევნო პლაკატები ჩამოეხია", - განაცხადა აბესაძემ.
შეგახსენებთ, რომ თვითმმართველობის არჩევნები საქართველოში 21 ოქტომბერს გაიმართება.
