მიხეილ სააკაშვილი და მისი ადვოკატები თანახმა არიან სახლემწიფო საზღვრის დაცვის წარმომადგენლებს შეხვდნენ და სამართალდარღვევის აქტის გაცნობა საჯაროდ მოხდინონ. ამის შესახებ ცოტა ხნის წინ, სასტუმრო "ლეოპოლისთან" გამართულ ბრიფინგზე მიხეილ სააკაშვილმა განაცხადა.
სააკავშილმა კიდევ ერთხელ აღნიშნა, რომ მისთვის მოქალაქეობის ჩამორთმევა კონსტიტუციის დარღვევაა და მისივე თქმით, პოროშენკოს და ავაკოვის მედიის პროპაგანდის მიუხედავად, არ აპირებს პოზიციების შეცვლას და უკან დახევას. სააკაშვილის თქმით, პოროშენკომ მისი ქმედება დონბასში მიმდინარე მოვლენებს შეადარა, თუმცა მისი თქმით, ხალხი, როგორც ეს პოროშენკოს ჰგონია, სულელი არ არის და ყველამ იცის, რომ ის, რაც ახლა სააკაშვილთან დაკავშირებით ხდება უკანონობა და კონსტიტუციის დარღვევაა.
