ევროკავშირის ოფიციალური პირები საქართველოსთვის, უკრაინისთვის და მოლდოვასთვის როუმინგის გადასახადის გაუქმების შესახებ საუბრობენ.
აღნიშნული მიზანი განხილული იქნება ნოემბერში ევროკავშირის აღმოსავლეთ პარტნიორობის სამიტზე. ამის შესახებ ინფორმაციას რადიო "თავისუფლების" ბრიუსელში მყოფი ჟურნალისტი რიკარდ იოზვიაკი ავრცელებს.
ევროკავშირის ქვეყნებში როუმინგის გადასახადი 15 ივნისს გაუქმდა. ევროკავშირის მოქალაქეებს ორგანიზაციის წევრ სახელმწიფოში მოგზაურობისას სატელეფონო საუბრებში დამატებითი საფასურის გადახდა აღარ უწევთ.
