ე.წ. კორტების საქმეზე მსჯავრდებულ ირაკლი ფირცხალავას მეუღლე, ნინო ხვიტია დღეს თბილისის საქალაქო სასამართლოში დაიკითხება. გუშინ მან პროკურატურაში გამოკითხვაზე უარი განაცხადა.
„არ ვთვლი, რომ გამოძების პროცესი ობიექტური იქნება, არც ჩემი დაკითხვაა უსაფრთხო. ამიტომ, მინდა თავიდან ავიცილო გარკვეული ზეწოლები და ეს პროცედურა სასამარათლოში, მოსამართლის, ადვოკატის, სახალხო დამცველის წარმომადგენლის თანდასწრებით ჩატარდეს“,- განუცხადა გუშინ „ჯი-ეიჩ-ენ-ს“ ნინო ხვიტიამ.
ხვიტიას განცხადებით, ის სასამართლოს იმ ჩანაწერს წარუდგენს, რომელშიც კობა გოგოტიშვილთან მისი შეხვედრაა ასახული. ხვიტია აღნიშნავს, რომ ჩანაწერში გოგატიშვილი იმ ზეწოლაზე საუბრობს, რომელიც სასურველი ჩვენების მისაღებად მასზე განახორციელეს.
კობა გოგატიშვილი კი აცხადებს, რომ მსჯავრდებულ ფირცხალავას ოჯახის წევრებმა, მათ შორის, მეუღლემ და შვილმა, მასზე ზეწოლა განახორციელეს.
შეგახსენებთ, რომ ე.წ. კორტების საქმეზე პროკურატურა მოწმის მიმართ განხორციელებული მოსყიდვისა და მასზე განხორციელებული მუქარის შესაძლო ფაქტზე გამოძიებას აწარმოებს. სწორედ ამ გამოძიების ფარგლებში დაიკითხება დღეს ხვიტია.