საქართველოს ეკონომიკის და მდგრადი განვითარების სამინისტროში პარასკევს 9 ივლისსს საღამოს 6 საათზე, კომპანია "სინგულარ ჯგუფის" ახალი ქართული ინოვაციური მობილური სერვისის - tweet.ge.გე - პრეზენტაცია გაიმართება.
პროექტი მობილური ოპერატორის Beeline-ის აქტიური მხარდაჭერით ხორციელდება. სერვისის შექმნის ერთ-ერთი ინიციატორი საქართველოს ეკონომიკის და მდგრადი განვითარების სამინისტროს კავშირგაბმულობის, საინფორმაციო ტექნოლოგიებისა და ინოვაციების დეპარტამენტია, რომელიც აქტიურად მუშაობს სოციალური ინტერნეტმედია სერვისების განვითარების საკითხებზე საქართველოში.
სერვისი ითვალისწინებს მობილური ტელეფონიდან მოკლე ტექსტური შეტყობინების (SMS) საშუალებით სოციალურ ქსელ twitter.com -ზე გაგზავნას და სტატუსების განახლებას. მისი გამოყენება მომხმარებლისთვის უფასო იქნება.
სოციალური ქსელი twitter.com დღეისათვის მსოფლიოში ერთ-ერთ ყველაზე პოპულარულ სოციალურ სერვის წარმოადგენს. აღნიშნული სისტემით 100 მილიონზე მეტი ადამიანი სარგებლობს, ცვლის ოპერატიულ ინფორმაციას, აქტიურად იყენებს ბიზნეს კომუნიკაციის და ბიზნეს შეთავაზებების გავრცელების პროცესში. სერვისის გაშვების შემდეგ საქართველოში twitter.com-ს მომხმარებელთა რაოდენობის გაზრდაა მოსალოდნელი.
