თარიღი    დრო

ელტონ ჯონის კონცერტები 2018 წლის 30 ივნისსა და 1-ელ ივლისს გაიმართება

საქართველო, თბილისი - 11:19 09.08.2017 574

ბრიტანელი პოპ და როკ-მუსიკოსის, მომღერლისა და კომპოზიტორის, ელტონ ჯონისა და მისი ბენდის კონცერტები საქართველოში 2018 წლის 30 ივნისსა და 1-ელ ივლისს ჩატარდება.

როგორც პრესკონფერენციაზე “ისთერნ პრომოუშენის” დირექტორმა გიორგი კერესელიძემ განაცხადა, შესაბამის ხელშეკრულებაზე მხარეებმა ხელი უკვე მოაწერეს. “ბლექ სი არენაზე” დაგეგმილი ეს ორი კონცერტი იქნება ერთადერთი, რომლებსაც ელტონ ჯონი მომავალ წელს ევროპაში ჩაატარებს. 

საქართველოში დაგეგმილი კონცერტების თარიღების ცვლილების მიზეზი ელტონ ჯონის ბენდის გიტარისტის ჯანმრთელობასთან დაკავშირებული პრობლემები გახდა. დევი ჯოუნსთოუნი ელტონ ჯონის ბენდში 1972 წლიდან უკრავს – ჯგუფის შეუცვლელი წევრი და მუსიკალური დირექტორია. 

როგორც “სოლოში” აცხადებენ, ელტონ ჯონი, მისი ბენდი და ბენდის მენეჯმენტი “სოლო” და “ისთერნ პრომოუშენი” წუხან მომხდარის გამო და ბოდიშს უხდიან ქართველ მსმენელს. ასევე აღნიშნულთან დაკავშირებით ელტონ ჯონის წარმომადგენელი ოფიციალურ პრესრელიზსაც ავრცელებს.

მათივე ინფორმაციით, 16 და 17 სექტემბრის კონცერტების ბილეთების მფლობელები, 30 ივნისისა და 1-ელი ივლისის კონცერტებზე დასწრებას ამავე ბილეთებით შეძლებენ – 16 სექტემბრის ბილეთები გადადის 30 ივნისს, ხოლო 17 სექტემბრის ბილეთები – 1-ელი ივლისის კონცერტზე.

სურვილის შემთხვევაში, 2017 წლის 20 სექტემბრიდან 20 ნოემბრამდე მომხმარებლებს შეუძლიათ დააბრუნონ ბილეთები და მიიღონ ბილეთების ღირებულების თანხა.
ამასთან, ბილეთების გაყიდვა განახლებული თარიღებით 20 სექტემბრიდან დაიწყება.




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13.1%
არ შეცვლილა 3%