დღეს 15:00 საათზე, თბილისის საქალაქო სასამართლო, რკინიგზელთა ახალი პროფკავშირის სარჩელის საპასუხოდ გადაწყვეტილებას გამოაცხადებს. პროფკავშირები შსს-ს მიერ სს"საქართველოს რკინიგზის" ოფისთან კარვების გაშლის უფლების შეზღუდვას აპროტესტებენ, რაც უზენაესი კანონითაა გარანტირებული.
უკვე 10-ე დღეა, სს"საქართველოს რკინიგზის" ოფისთან 16 ადამიანი შიმშილობს.
საქართველოს რკინიგზელთა ახალი პროფკავშირის ინფორმაციით, პროტესტის მთავარი მიზეზი რკინიგზაში როტაციის წესით თანამშრომელთათვის სამუშაოს ადგილმდებარეობის შეცვლაა.
რკინიგზელები სს "საქართველოს რკინიგზის" ინფრასტრუქტურის ხელმძღვანელის ვასილ ხორავას და პრეს სპიკერის დაჩი ცაგურიას თანამდებობიდან გათავისუფლებას მოითხოვენ.
ამასთანავე, დღეს 18:30-ზე სს"საქართველოს რკინიგზის" ოფისთან მოშიმშილეთა მხარდასაჭერი აქციაც გაიმართება.