გურიაში, სოფელ ჩიბათთან ავტოსაგზაო შემთხვევა მოხდა.
შემთხვევას 5 ადამიანი ემსხვერპლა, მათ შორის, ერთი მცირეწლოვანი ბავშვია.
არსებული ინფორმაციით, ტრაილერს მისაბმელი მოწყდა, რომელიც მსუბუქ ავტომობილს დაეცა.
მსუბუქ ავტომობილში მყოფი 6 მგზავრიდან 5 დაიღუპა, კიდევ 1 კი საავადმყოფოშია გადაყვანილი. გარდაცვლილები ერთი ოჯახის წევრები არიან.
შინაგან საქმეთა სამინისტროს ცნობით, მომხდართან დაკავშირებით საქმე „სისხლის სამართლის კოდექსის“ 276-ე მუხლის მეშვიდე ნაწილით აღიძრა, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც 5 ან 5-ზე მეტი ადამიანის სიცოცხლის მოსპობა გამოიწვია.