საქართველოს შინაგან საქმეთა მინისტრ გიორგი მღებრიშვილის განცხადებით, ბორჯომის ხეობაში, სტიქიის ზონაში, მიუხედავად რთული მეტეოროლოგიური პირობებისა, ხანძრის ყველა კერაზე მუშაობა აქტიურად გრძელდება.
"ყველა კერაზე ვმუშაობთ მიუხედავად გართულებული მეტეოროლოგიური პირობებისა, ვხედავთ, რომ ძლიერი ქარია, ასეთი ქარი არც გუშინ და არც გუშინწინ არ ყოფილა. ახალი კერები ამ ეტაპზე არ გვაქვს გარდა ერთი გამონაკლისისა. ამ კერასთანაც უკვე გაჭრილია გზა და მისულები არიან მეხანძრე-მაშველები. მიმდინარეობს ცეცხლის ლოკალიზება. გამოძიება დაწყებულია და მუშაობს ყველა ვერსიაზე", - განაცხადა მღებრიშვილმა.
