ბორჯომის ხეობაში გაჩენილი ხანძრის ქრობის სამუშაოებში მეზობელი ქვეყნებიდან დამატებითი ტექნიკა ხვალ დილიდან ჩაერთვება. ამის შესახებ სტიქიის ზონაში ჩასულმა საქართველოს პრემიერ-მინისტრმა, გიორგი კვირიკაშვილმა განაცხადა.
”ყველა კერაზე, რომელზეც შემოსულია ინფორმაცია, გაგზავნილია სახანძრო ბრიგადები. ყველაზე დიდი კერა სადაც არის, საკმაოდ მასშტაბურია ცეცხლი. ჩვენ ყველაფერს გავაკეთებთ, რომ ჩვენი მოსახლეობა დავიცვათ სტიქიისგან. ამისთვის შესაბამისი ძალები გაგვაჩნია. დილიდან მეზობელი ქვეყნებიდან შემოგვიერთდება დამატებითი ტექნიკა. უკვე თანხმობა მიღებული გვაქვს თურქეთის მხრიდანაც და აზერბაიჯანის მხრიდანაც, ჩვენ ამ სტიქიას გავუმკლავდებით.
საუბარი შედგა თურქეთის მთავრობასთან. თურქეთის ტყეების სამინისტროსთან იყო შესაბამისი საუბარი. გათენებისთანავე განახლდება მუშაობა და ვფიქრობთ, რომ ამ სტიქიას გავუმკლავდებით. პანიკა არც ერთ სიტუაციაში ვარგა. ჯერ-ჯერობით ევაკუაციის საჭიროება არ არის”, - განუცხადა ჟურნალისტებს გიორგი კვირიკაშვილმა.