ბორჯომის ხეობაში, სოფელ დაბის ტერიტორიაზე უკვე 33 საათია ხანძარი მძვინვარებს. ადგილზე 270 მეხანძრე-მაშველი მუშაობს. თუმცა, ძლიერი ქარის გამო ცეცხლის ჩაქრობა გართულებულია.
”ძალიან ძლიერი ქარია, რაც ხანძრის ჩაქრობის საშუალებას არ გვაძლევს. ასევე ძლიერი დაკვალიანებაა. არცერთი წამით სამუშაოები არ შეწყვეტილა, ცეცხლის ქრობა უწყვეტ რეჟიმში მიმდინარეობს. ძლიერი ქარის გამო ვითარების პროგნოზირება ძალიან რთულია. მეხანძრე-მაშველები ყველანაირ პრევენციულ ზომას ატარებენ იმისთვის რომ ხანძრის გავრცელება დასახლებულ პუნქტებამდე არ მოხდეს”, - განუცხადეს ”ჯი-ეიჩ-ენ-ს” საგანგებო სიტუაციების მართვის სააგენტოში.
საქართველოს საჰაერო ტექნიკით აზერბაიჯანი დაეხმარა. თუმცა, ვეტმფრენებმა ადგილზე მუშაობა შეწყვიტეს.
”ვეტმფრენებმა მუშაობა მხოლოდ იმის გამო არ შეწყვიტეს, რომ ხილვადობა შეზღუდულია და ძლიერი დაკვამლიანებაა. ამას თან ძლიერი ქარიც ერთვის, საერთაშორისო ექსპერტები მუშაობის რეკომენდაციას არ გვაძლევენ, რადგან შესაძლოა საფრთხე როგორც ვეტმფრენებს, ისე მაშველებს დაემუქროთ”, - აცხადებენ საგანგებო სიტუაციების მართვის სააგენტოში.