თარიღი    დრო

თბილისში საქართველო-ჩინეთის ბიზნეს-ფორუმი გაიმართა

საქართველო, თბილისი - 13:23 08.21.2017 407

21 აგვისტოს, სასტუმრო „თბილისი მერიოტში“ საქართველო-ჩინეთის ბიზნეს-ფორუმი გაიმართა. ღონისძიება საქართველოს სავაჭრო-სამრეწველო პალატისა და ჩინეთის საერთაშორისო ვაჭრობის ხელშეწყობის საბჭოს ორგანიზებით ჩატარდა. ფორუმის ფარგლებში თბილისს  ჩინეთის განსუს პროვინციიდან 80-მდე ბიზნესმენი ეწვია.

ბიზნეს-ფორუმი ჩინეთის საერთაშორისო ვაჭრობის ხელშეწყობის საბჭოს, განსუს პროვინციის ადგილობრივი თვითმმართველობისა და ბიზნეს-დელეგაციის საქართველოში ვიზიტის ფარგლებში გაიმართა. ქართულ კომპანიებს საშუალება ჰქონდათ   შეხვედროდნენ ბიზნეს-სექტორს ჩინეთიდან და სამომავლო თანამშრომლობის შესახებ ემსჯელათ.  

ფორუმზე წარმოდგენილი იყო  შემდეგი სფეროები: სოფლის მეურნეობა, სამთო მოპოვებითი  მრეწველობა, ინჟინერია, ენერგეტიკა, საინფორმაციო ტექნოლოგიები, ტურიზმი, უძრავი ქონება, ავიაცია, ფარმაცევტიკა, სამშენებლო მასალები, ავტო ნაწილები, სპორტული დანადგარები, კერამიკა, ლოჯისტიკა, ქიმიური ნივთიერებები, საყოფაცხოვრებო ტექნიკა, სასტუმრო ინდუსტრია, სარწყავი მოწყობილობები. 

ღონისძიება საქართველოს სავაჭრო-სამრეწველო პალატის გენერალური დირექტორის მოადგილემ  ნატო ჩიქოვანმა  და ჩინეთის საერთაშორისო ვაჭრობის ხელშეწყობის საბჭოს ვიცე-თავმჯდომარმ  ვუ ლისიამ გახსნეს.  ფორუმის ფარგლებში გაკეთდა   პრეზენტაცია საქართველოს საინვესტიციო პოტენციალის შესახებ, რომელიც  სააგენტომ „აწარმოე საქართველოში“ წარმოადგინა.  ღონისძიებაზე სიტყვით გამოვიდნენ ასევე ჩინეთის სახალხო რესპუბლიკის საელჩოს, „საქართველოს რკინიგზისა“ და განსუს პროვინციის ადგილობრივი თვითმმართველობის წარმომადგენლები.

ფორუმის ფარგლებში ხელი მოეწერა ურთიერთთანამშრომლობის მემორანდუმს საქართველოს სავაჭრო-სამრეწველო პალატასა და ჩინეთის საერთაშორისო ხელშეწყობის საბჭოს განსუს კომიტეტს შორის. დოკუმენტის მიზანი ორ ქვეყანას შორის ეკონომიკური და სავაჭრო ურთიერთობების გაღრმავების ხელშეწყობა და ამ მიზნით საერთო აქტივობების განხორციელებაა.




konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.6%
შემცირდა 13.3%
არ შეცვლილა 3%