ამერიკის შეერთებული შტატების სარაკეტო გამანადგურებელი "ჯონ მაკკეინი" სინგაპურთან, მალაკის სრუტეში ლიბერიის დროშის ქვეშ მოძრავ ნავთობის ტანკერს შეეჯახა. სამხედრო გემი სინგაპურის პორტში მიემართებოდა.
არსებული ინფორმაციით, შემთხვევის შედეგად 5 მეზღვაური დაშავდა, 10 კი დაიკარგა. ამ დროისთვის, მიმდინარეობს მეზღვაურების ინტენსიური ძებნის ოპერაცია.
მომხდარს აშშ-ის პრეზიდენტი, დონალდ ტრამპი Twitter-ზე გამოეხმაურა.
"ფიქრებით და ლოცვით ჩვენს მეზღვაურებთან ერთად ვარ. მიმდინარეობს სამძებრო და სამაშველო ოპერაცია", - დაწერა აშშ-ის პრეზიდენტმა.