„პეტრიაშვილი თავის ამ პირად ბოღმას ამ ფორმით ანთხევს ჩემზე“, - ამის შესახებ „საქართველოს რკინიგზის” საზოგადოებასთან ურთიერთობის სამსახურის უფროსმა დაჩი ცაგურიამ განაცხდა.
მისი თქმით, რკინიგზელების მხრიდან მის მიმართ გაკეთებული განცხადებები არარეალური და არასერიოზულია.
„ეს ბრალდებები არის ძალიან არასერიოზული. ყოველგვარ აზრს არის მოკლებული მათი ეს განცხადებები. პეტრიაშვილი თავის ამ პირად ბოღმას ამ ფორმით ანთხევს ჩემზე, რომ დასვა აქ თავისი თანამშრომლები, რომლებსაც თავად უხდის ხელფასს და ისინი არ არიან რკინიგზის თანამშრომლები და აშიმშილებს იმიტომ, რომ დამაზიანოს, ჩემი რეპუტაცია შელახოს. ირაკლი პეტრიაშვილი, დიახაც, არის სააკაშვილის სიბინძურეში აღმოცენებული, არშემდგარი პოლიტიკური ლიდერი,“ - აცხადებს დაჩი ცაგურია.
ცნობისთვის, რკინიგზელები პროტესტის ნიშნად უკვე მე-6 დღეა შიმშილობენ, მათ დღეს კიდევ ერთი ადამიანი შეუერთდა. ხვალიდან კი გეგმავენ პროტესტს უფრო ფართომასშტაბიანი სახე მისცენ.