ბათუმის ბულვარში მოწყობილი სამეწარმეო მარკეტი აჭარის მთავრობის თავმჯდომარემ ზურაბ პატარაძემ, აჭარის ფინანსთა და ეკონომიკის მინისტრმა რამაზ ბოლქვაძემ, აჭარის განათლების, კულტურისა და სპროტის მინისტრმა ინგა შამილიშვილმა და „აწარმოე საქართველოს“ დირექტორმა მარიანა მორგოშიამ დაათვალიერეს.
გამოფენა-გაყიდვაში სულ 100-მდე მეწარმე მონაწილეობს, რომელთაც თავიანთი პროდუქციის საზოგადოებისთვის გააცნობის შესაძლებლობა აქვთ. სამეწარმეო მარკეტში ასევე „აწარმოე საქართველოში“ ბენეფიციარები მონაწილეობენ, რომლებიც დაინტერესებულ პირებს თავიანთ გამოცდილებას უზიარებენ.
,,სტარტაპ მარკეტის“ ფარგლებში სააგენტოს „აწარმოე საქართველოში“ სპეციალური საინფორმაციო სტენდი აქვს წარმოდგენილი, რომლითაც გამოფენის მონაწილეები, სააგენტოს მიერ განხორციელებული პროექტებისა და სახელმწიფოს მხრიდან ბიზნესის მხარდასაჭერად შეთავაზებული მექანიზმების შესახებ ინფორმაციას ეცნობიან.
„სტარტაპ მარკეტი“ ალტერნატიული, მულტიფუნქციური და მოძრავი სავაჭრო სივრცეა, რომელიც საქართველოში არსებული ბიზნესგარემოს გაუმჯობესებასა და ახალგაზრდა მეწარმეების პოპულარიზაციაზეა ორიენტირებული.
,,სტარტაპ მარკეტი“ საქართველოს ეკონომიკისა და მდგრადი განვითარების სამინისტროს „აწარმოე საქართველოში“ და აჭარის ავტონომიური რესპუბლიკის განათლების, სპორტისა და კულტურის სამინისტროს მხარდაჭერით იმართება.
ღონისძიება დღეს გაიხსნა და 3 დღის განმავლობაში გაგრძელდება.