ბარსელონაში ტერაქტის შედეგად დაღუპულთა შორის იტალიელიც არის. ბრუნო გულოტა კატალონიაში ცოლთან და ორ ბავშვთან ერთად იმყოფებოდა. 35 წლის იტალიელი ქალაქ ლენიანოს ერთ-ერთ კომპიუტერულ კომპანიაში მუშაობდა. ცნობილია ისიც, რომ გარდაცვლილთა შორის გერმანიის 4 და ბელგიის 1 მოქალაქეცაა. მასშტაბური ტერორისტული აქტი ბარსელონას ტურისტულ რაიონში გუშინ განხორციელდა, რასაც 13 ადამიანი ემსხვერპლა, 120-მდე კი დაშავდა.
