საქართველოს ექსპრეზიდენტი და ოდესის ყოფილი გუბერნატორი მიხეილ სააკაშვილი თბილისში დაბრუნებას და სასამართლოს წინაშე წარდგომას არ აპირებს. ამის შესახებ მან BBC-სთვის მიცემულ ინტერვიუში განაცხადა.
„მე აქტიური და გამორჩეული უკრაინელი პოლიტიკოსი ვარ და სერიოზულ პოლიტიკურ პარტიას ვხელმძღვანელობ. უკრაინაში ბევრი მხარდამჭერი მყავს. ჩვენ ბოლომდე ვიბრძოლებთ ქვეყანაში რეფორმების გასატარებლად. სწორედ ამიტომ არ ვაპირებ თბილისში ჩასვლას. ინტერპოლმა ჩემს დაკავებაზე ორდერი არ გასცა. მათთვის ცხადია, რომ ბრალდებები, რომელსაც მიყენებენ, პოლიტიკურად არის მოტივირებული,“-აღნიშნა სააკაშვილმა.