„ევროპული საქართველოს“ ლიდერის, ზურაბ ჭიაბერაშვილის განცხადებით, ელექტროენერგიის ტარიფის გაზრდასთან დაკავშირებით გადაწყვეტილების მიღება, რომელიც არჩევნების შემდეგ ამოქმედდება, სავალალო შედეგამდე მიიყვანს მოსახლეობას.
„მოქალაქეებს „ქართული ოცნების“ მიერ დაპირებული - ტარიფების განახევრების ნაცვლად, ხელთ შერჩათ ის, რომ მათ მოუწევთ სამწუხაროდ, მეტის გადახდა,“ - განაცხადა ზურაბ ჭიაბერაშვილმა.
ცნობისთვის, საქართველოს ენერგეტიკის მარეგულირებელმა კომისიამ ხუთ სატარიფო განაცხადზე საჯარო ადმინისტრაციული წარმოების შესახებ მსჯელობა დაიწყო.
კომისიის წევრები "თელასის" სატარიფო განაცხადს განიხილავენ.
სემეკს 150 დღიანი ვადა აქვს ტარიფების დასათვლელად და ბოლო ვადა 2017 წლის 31 დეკემბერია.