დაახლოებით 400 000 ევროა ჩვენი უცხოელი პარტნიორების მიმართ დავალიანება და 100-150 ათასი საქართველოში არსებული ვალი, - ამის შესახებ GEM Fest-ის ორგანიზატორმა გიორგი სიგუამ ჟურნალისტებს საგამოძიებო სამსახურში დაკითხვამდე განუცხადა.
მისი განმარტებით, მას არ ჰგონია, რომ მისი დაკითხვაზე დაბარება ამ დავალიანებებს, ან იმ საჩივარს ეხებოდეს, რომელიც შესაძლოა იმ პირებმა შეიტანეს საგამოძიებო სამსახურში, რომელთა მიმართ დავალიანება ჯერ კიდევ არსებობს.
”დავალიანება ეს არის სამოქალაქო საკითხი და არა კრიმინალი. როგორც ჩვენ გვაქვს დავალიანება, ისე ჩვენს მიმართაც აქვთ დავალიანება. შარშანაც ვალებით დავამთავრეთ „ჯემ ფესტი“ და წელსაც, თუმცა ჩვენ ყველაფერს გადავიხდით. ჩვენ აუცილებლად გადავიხდით ამ ყველაფერს და უნდა გავაგრძელოთ მუშაობა. რამდენიმე დღეში გამოვაცხადებთ ჩვენს გეგმებს. ჩვენი დავალიანება იმაზე ნაკლებია, ვიდრე ჩვენს მიმართ აქვთ. დაახლოებით 400 000 ევროა ჩვენი უცხოელი პარტნიორების მიმართ დავალიანება და 100-150 ათასი საქართველოში არსებული ვალი. ეს რიცხვები არ არის უსაშველო და არ არის ის თანხა, რომელსაც ჩვენ ვერ გადავიხდით. ამ დავალიანებებს შორის არის ჩვენი თანამშრომლების სახელფასო დავალიანებაც. ასევე მინდა გითხრათ, რომ მილიონ ლარზე მეტი აქვთ ჩვენი დავალიანება სხვადასხვა კაფეებს, რესტორნებსა თუ ობიექტებს”, - განაცხადა სიგუამ.