ბაღდათისა და ვანის მიტროპოლიტ მეუფე ანტონს 45 000 ლარის გაფლანგვაში ადანაშაულებენ.
საუბარია კომპანიაზე, რომელსაც მეუფე ანტონის ახლობელი ხელმძღვანელობს. მეუფე ანტონს სწორედ ამ კომპანიიდან თანხების მითვისებაში ადანაშაულებენ.
მეუფე ანტონი "რუსთავი 2"-თან საუბარში ადასტურებს, რომ თბილისის ცენტრში მდებარე სავაჭრო ობიექტის მფლობელია და კომპანია "დივაინთან" დაკავშირებულ დავას მთავარი პროკურატურა იძიებს.
წმინდა სინოდის წევრის განცხადებით, კომპანია დივაინის დაფუძნებაში მას 38 ათასი ლარი აქვს ჩადებული, ხოლო ბიზნესპარტნიორებს - არაფერი. მეუფე ანტონის თქმით, კომპანიის არცერთი მიმწოდებლის ვალი გასტუმრებული არ არის.
„2 წლის მანძილზე იქ იყო გარკვეული ბრუნი. მოგება იყო მარტო 200 000-ზე მეტი. არცერთი მიმწოდებელი გასტუმრებული არ არის. 2 წელიწადია, მათ გარდა არავინ არ ყოფილა ამ მაღაზიაში.
ის ინვენტარი, ის, რაც იმ მაღაზიაში რემონტია, ვინ გააკეთა? და რამდენი შეიტანეს მათ? რამდენი შეიტანა ჩემი სახით, ეს ყველაფერი იციან,“ - აღნიშნავს მეუფე ანტონი.