საქართველოს რკინიგზის თანამშრომელმა - ვახტანგ ცისკარიშვილმა შიმშილობა შეწყვიტა და სამსახურეობრივ პოზიციაზე დანიშვნის ბრძანებას ხელი მოაწერა, - ამის "ჯი-ეიჩ-ენს" საქართველოს რკინიგზაში განუცხადეს.
"საქარტველოს რკინიგზასა და ერთ მოშიმშილე თანამშრომელს შორის, მოლაპარაკებამ წარმატებით ჩაიარა, ვახტან ცისკარიშვილმა შიმშილობა შეწყვიტა, აცხადებს რომ მისთვის მისაღებია საქართველოს რკინიგზის მიერ შეთავაზებული პირობები, სადაც მოიაზრება როგორც საცხოვრებელი ასევე სატრანსპორტო უზრუნველყოფა და ხელი მოაწერა საქართველოს რკინიგზაში სამსახურეობრივ პოზიციაზე მუშაობის ბრძანებას", - აცხადებენ საქართველოს რკინიგზაში.
შეგახსენებთ, რომ გურჯაანის რკინიგზის თანამშრომლები მესამე დღეა მათთვის სამუშაო ადგილის შეცვლას შიმშილობით აპროტესტებენ და თავდაპირველ სამუშაო ადგილზე დაბრუნებას ითხოვენ. დეპარტამენტის გადაწყვეტილებით, ისინი სამუშაოდ მარნეულში გადაიყვანეს.
მოშიმშილეების განმარტებით, მათი ყოველდღიური ტრანსპორტირებისა და ცხოვრების ხარჯებს დამსაქმებელი არ უზრუნველყოფდა.
დღეს მოშიმშილეებს კიდევ ერთი რკინიგზელი, გურამ ბიბილაშვილი შემოუერთდა. ბიბილაშვილი აცხადებს, რომ ის პირველ აგვისტოს უკანონოდ, ყოველგვარი ახსნისა და კომპენსაციის გადახდის გარეშე გაათავისუფლეს.
პროფკავშირების ახალგაზრდული მოძრაობისა და საქართველოს პროფკავშირების გაერთიანების ორგანიზებით დღეს, 18 საათზე, რკინიგზის დეპარტამენტთან, მოშიმშილე რკინიგზელების მხარდამჭერი აქცია გაიმართება.