გურჯაანის რკინიგზის გაფიცული თანამშრომლები შიმშილობას აგრძელებენ.
მართალია, ერთ-ერთი მათგანი შეუძლოდ გახდა და ექიმის რეკომენდაციით შიმშილობა შეწყვიტა, თუმცა დღეს ისევ აპირებს გააგრძელოს.
შეგახსენებთ, რომ გურჯაანის რკინიგზის თანამშრომლები მათთვის სამუშაო ადგილის შეცვლას აპროტესტებენ და თავდაპირველ სამუშაო ადგილზე დაბრუნებას ითხოვენ. დეპარტამენტის გადაწყვეტილებით, ისინი სამუშაოდ მარნეულში გადაიყვანეს.
მოშიმშილეები ამტკიცებენ, რომ ყოველდღიური ტრანსპორტირებისა და ცხოვრების ხარჯებს დამსაქმებელი არ უზრუნველყოფს.
გაფიცულებმა შიმშილობა 15 აგვისტოს დაიწყეს.