რუსთავში, ვაჟა-ფშაველას ქუჩის #4-თან, 30-წლამდე მამაკაცმა "საქართველოს ბანკის“ სწრაფი ჩარიცხვის აპარატის გაქურდვა სცადა.
არსებული ინფორმაციით, მამაკაცი რკინის იარაღით აპარატის დაზიანებას და თანხის წაღებას ცდილობდა.
თვითმხილველების შეტყობინების საფუძველზე, ადგილზე მობილიზებული იყო საპატრულო და კრიმინალური პოლიცია. დანაშაულში ეჭვმიტანილი, რუსთავის პოლიციის საქალაქო სამმართველოს თანამშრომლებმა ვაჟა-ფშაველას ქუჩაზევე დააკავეს.
შსს-ს ცნობით, მომხდართან დაკავშირებით სისხლის სამართლის საქმე 19-177 -ე მუხლით აღიძრა, რაც ქურდობის მცდელობას გულისხმობს და მიმდინარეობს გამოძიება.