მაშველებმა ციხისძირის მიმდებარე ტერიტორიაზე, ზღვაში ახალგაზრდა მამაკაცის ცხედარი იპოვეს.
ცნობისთვის, ჩაქვისა და ციხისძირის მიმდებარე ტერიტორიაზე კაცი ზღვაში გუშინ, დღის მეორე ნახევარში გაუჩინარდა.
როგორც ირკვევა, ის რუსეთიდან აჭარაში დასასვენებლად იყო ჩასული. სამძებრო სამუშაოებში მყვინთავები და სამართალდამცავები იყვნენ ჩართული.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.