მოსკოვი ირწმუნება, რომ სირიაში აშშ-სა და ბრიტანეთში წარმოებული ქიმიური იარაღია აღმოჩენილი. რუსეთის საგარეო საქმეთა სამინისტროს ოფიციალური წარმომადგენლის, მარია ზახაროვას განცხადებით, ეს კიდევ ერთი დასტურია იმისა, რომ დასავლეთი ტერორისტთა მხარდაჭერას განაგრძობს.
„დასავლეთის ქვეყნები და რეგიონის ზოგიერთი სახელმწიფო ამბოხებულებს, ტერორისტებსა და ექსტრემისტებს სირიაში მომწამვლელი ნივთიერებებით ამარაგებს, რაზეც ოფიციალური მტკიცებულებები არსებობს,“-აღნიშნა ზახაროვამ.