ნოემბრიდან თურქეთს საქართველოში ახალი ელჩი ეყოლება.
ზექი ლევენთ გუმრუქჩუს - საქართველოში თურქეთის საგანგებო და სრულუფლებიან ელჩს უფლებამოსილების სამწლიანი ვადა ეწურება.
საზოგადოებრივის ინფორმაციით, თურქული მხარე საქართველოს გუმრუქჩუს შემცვლელს სავარაუდოდ ნოემბრამდე წარუდგენს, რის შემდეგაც საქართველოს მთავრობა ელჩის კანდიდატურის მოწონების დასტურად გასცემს აგრემანს და დაიწყება როტაციის პროცედურა.
ამ დროისთვის თურქეთის საელჩოში არ აკონკრეტებენ, ვინ შეიძლება შეცვალოს ზექი ლევენთ გუმრუქჩუ.
ზექი ლევენთ გუმრუქჩუ საქართველოში ელჩად 2014 წლიდან იმყოფება. ზექი ლევენთ გუმრუქჩუ საქმიანობას სავარაუდოდ ბრიუსელში გააგრძელებს.
