„დიდია ინტერესი მიმართულებებზე, რომელიც უფრო ჰუმანიტარულს განეკუთვნება, ვიდრე საბუნებისმეტყველოს და ზუსტ მეცნიერებებს“, -ამის შესახებ გამოცდების ეროვნული ცენტრის ხელმძღვანელმა, მაია მიმინოშვილმა განაცხადა.
მისივე განმარტებით, სახელმწიფო უნივერსიტეტებს შორის ლიდერ პოზიციებს ჯავახიშვილისა და ილიას სასწავლებლები იკავებენ.
"გამოიკვეთა ერთი ტენდენცია, რომ დიდია ინტერესი მიმართულებებზე, რომელიც უფრო ჰუმანიტარულს განეკუთვნება, ვიდრე საბუნებისმეტყველოს და ზუსტ მეცნიერებებს. ეს ჩემი აზრით ოდნავ სამწუხაროა, როცა არ არის ინტერესი ზუსტი და საბუნებისმეტყველო მიმართულების მიმართ. თუმცა გაზრდილია ინტერესი ისტორია, ქართული ფილოლოგიის, არქეოლოგიის, ფილოსოფიის მიმართულებით", - განაცხადა მიმინოშვილმა და დასძინა, რომ დღეს დაიწყო აბიტურიენტთა ნაშრომების გასწორებაც და თვის ბოლოს უკვე საბოლოო შედეგები გამოქვეყნდება.